Blertina Koka / Shëndet+
Një doktor i kirurgjisë plastike në Florida është bërë sensacion në internet, pasi poston në Snapchat video grafike të operacioneve të tij. 
Michael Salzhauer, 43 vjeç, i cili njihet dhe si “Dr. Miami”, transmeton në kohë reale operacionet plastike të gjoksit, hundës, buzëve dhe të pasmeve, për rreth 500 mijë ndjekësit e tij në ditë.
Që herët në mëngjes, në orën 07.30, ai përshëndet ndjekësit e tij në Snapchat, me të njëjtin monolog: “Mirëmëngjesi të gjithëve. Unë jam një kirurg plastik dhe i bëj njerëzit të ndihen më mirë me trupat e tyre”. Ai punon pastaj deri në mesnatë duke kryer operacione dhe i informon ndjekësit e tij në rrjetet sociale herë pas here. Michael shpërndan gjithashtu foto para dhe pas operacionit për 277 mijë ndjekësit e tij në Instagram.
Kirurgu plastik bën 20 operacione në javë, apo afërsisht 1 mijë në vit, dhe mendohet se në gjithë karrierën e tij ka trajtuar plot 10 mijë pacientë. Për të lënë një takim me doktorin klientët duhet të presin muaj me radhë.
Burimi: The Sun
