Përshtati për gazetën “Shëndet+”: Blertina Koka
E keni dëgjuar shprehjen që “Mëngjesin duhet ta hani si një mbret, drekën si princ, ndërsa darkën si një i varfër? Nuk ka rëndësi se çfarë hani, mëngjesi është cilësuar shpesh si “vakti më i rëndësishëm i ditës”.
Në fakt, studimet kanë treguar se personat që nuk hanë vaktin e mëngjesit, kanë më pak energji gjatë ditës për të kryer aktivitetet e tyre fizike.
Përveçse na mbush me energji, ngrënia e mëngjesit ndihmon edhe me tretjen, metabolizmin dhe rregullon nivelet e sheqerit në gjak.
Por, shumica e njerëzve, sidomos femrat, e konsumojnë mëngjesin vetëm për të rënë në peshë. Ky mund të jetë miti më i madh i të ushqyerit.
Sipas ekspertëve të dietave, vakti i parë i ditës nuk ndikon në humbjen e peshës. Konsumimi i vaktit të mëngjesit është thjesht një mënyrë jetese e shëndetshme, por nuk ju mbron kundër obezitetit.
Asnjë nga vaktet nuk mund të cilësohet si më i rëndësishmi për të rënë në peshë. Për të humbur kilogramët e tepërt, nuk duhet të besoni se një vakt i vetëm mund të bëjë magjinë që të arrini synimet tuaja të shëndetit. Mos besoni te bestytnitë!
Burimi: Daily Mail/ https://shendeti.com.al/
