Dr. Alketa Koroshi
Poezia e mëposhtme është e shkruar nga doktor Alketa Koroshi për mbesën e tij Melisën, e cila sapo ka mbushur 5 vjeç. Është e këndshme të shohësh edhe shpirtin e poetit tek mjeku me mbi 35 vjet karrierë në shëndetësi. Duke plotësuar dëshirën e doktor Alketës për ta botuar këtë poezi, redaksia e gazetës “Shëndet+” i uron Melisës edhe 100 vjeç.
Poezi për Melisën në 5-vjetorin e saj
Ç’është Melka për ne të tërë?
Është një zog që cicërin,
Është një ëngjëll që veç na ndrin,
Është një flutur që fërfërin,
Është një yll që vezëllin,
Është një rreze që regëtin,
Është dritare për lumturinë,
Është një miss për bukurinë,
Është një dritë që vetëtin,
Është vetë jeta që na prin,
Është ajo me hijeshinë
Më e ëmbla, më e mira,
Para saj ç’është ëmbëlsira?
Më e thjeshta, më e dëlira ,
Veç ta shohësh kur vrapon,
Dallëndyshe që fluturon,
Ta dëgjosh kur ligjëron,
Kanarinë që veç këndon.
Lum si gjyshi që e ka,
Që e ka, që e gëzon,
Brengën fort ia lehtëson,
Ditë për ditë e lumturon.
Këtë fat, këtë mbarësi,
Nuk e gjen as me qiri,
As në Francë, as n’Itali,
Le pastaj në Shqipëri,
Më e madhja pasuri,
Më e mira në dynja,
Më të mirë se ajo,
As ka patur, as nuk ka!
