Përshtati në shqip për gazetën “Shëndet+”: Blertina Koka
Studimet kanë treguar se të fjeturit në anën e majtë, siç mund t’ju ketë rekomanduar gjyshja, nuk është vetëm një përrallë e kohëve të vjetra, por ka në të vërtetë përfitime shëndetësore.
Ja disa arsye përse duhet të flini në anën e majtë.
Për gjumë më të mirë gjatë shtatzënisë – Gratë shtatzëna duhet të flenë në anën e majtë që të mos ushtrojnë presion në mitër si dhe për të përmirësuar qarkullimin e gjakut tek fetusi. Ky pozicion i ndihmon ato që të flenë më mirë dhe lehtëson dhimbjet e shpinës.
Ndihmon në pastrimin e enëve limfatike – Të fjeturit në anën e majtë lejon trupin të filtrojë sa më mirë lëngjet limfatike nëpërmjet gjëndrave që gjenden më shumë në anën e majtë të trupit.
Përmirëson tretjen – Të fjeturit në anën e majtë mundëson kalimin e shpejtë të ushqimeve nga stomaku në zorrën e trashë.
I bën mirë zemrës – 80% e zemrës së njeriut është në anën e djathtë të trupit, prandaj është e rëndësishme që të flini në anën e majtë që të mos pengoni në funksionimin e këtij organi. Nëse flini në anën e majtë zemra do të pompojë me lehtësisht dhe gjaku do t qarkullojë më mirë.
Redukton urthin në stomak– Të fjeturit në anën e majtë mund të ndihmojë gjithashtu në reduktimin e niveleve të acideve në trup. Nëse flini në anën e gabuar, atëherë acidet në stomak mund të kalojnë në ezofag, duke shkaktuar rritje të urthit në stomak dhe shqetësime të tjera. Kjo ndodh pasi stomaku anon më shumë në anën e djathtë të trupit.
Lehtëson dhimbjet e shpinës – Njerëzit që vuajnë nga dhimbjet kronike të shpinës mund të flenë vetëm në anën e majtë ose të djathtë, kështu ata mund të ndihen më rehat dhe nuk do të kenë shumë dhimbje.
Burimi: Top 10 Home Remedies / https://shendeti.com.al/
