Përshtati në shqip për gazetën “Shëndet+”: Blertina Koka
Një grua indiane është bërë nënë për here të pare në moshën 70-vjeçare. Daljinder Kaur lindi djalë muajin e kaluar pas një trajtimi me metodën IFV në një klinikë fertiliteti në shtetin verior Haryana me bashkëshortin e saj 79-vjeçar. Të martuar prej 46 vitesh, çifti e kishte humbur shpresën se do të bëhej me fëmijë.
“Zoti i dëgjoi lutjet tona. Jeta ime tani është e plotësuar. Ndihem plot energji ndërsa kujdesem për djalin. Bashkëshorti im po përkujdeset gjithashtu për djalin dhe më ndihmon me aq sa mundet”, tregon 70-vjeçarja.
Fëmija është ngjizur duke përdorur spermën dhe vezët e çiftit. Djali, që më 19 prill kur lindi ishte peshonte 2 kg, gëzon shëndet të mirë, thuhet në një njoftim të klinikës. Bashkëshorti i Daljinder, Mohinder Singh Gill, tha se nuk ishin aspak të shqetësuar për të ardhmen duke thënë se “Zoti do të kujdesej për gjithçka”.
Ky rast nuk është i pari në Indi. Një 72-vjeçare nga shteti Uttar Pradesh lindi në vitin 2008 binjakë nëpërmjet trajtimit IVF.
Burimi: Yahoo.com / https://shendeti.com.al/
