Për të gjithë ata që vuajnë nga mungesa e ereksionit tashmë vjen një ilaç i ri: bëhet fjalë për “pilulën e dashurisë” e cila bën efekt brenda 15 minutash, gjysma e kohës që u duhet pilulave të tjera të japin efekt dhe ka një kohëzgjatje deri në 6 orë.
E prezantuar në Stokholm me rastin e Kongresit Evropian të Urologjisë ajo sapo ka dalë në farmacitë evropiane dhe është prodhim i një kompanie italiane, raporton agjencia e lajmeve ANSA.
“Fatkeqësisht 40-50% e pacientëve me probleme të ereksionit nuk kanë një jetë seksuale të kënaqshme dhe e lënë terapinë brenda pak javësh, – u shpreh Vinçenco Mirone, sekretar i Përgjithshëm i Shoqatës Italiane të Urologjisë. – Kjo vjen për shkak se pritshmëria e pacientëve ndaj ilaçeve është e madhe dhe jo gjithnjë pilulat që janë sot në treg i përgjigjen kësaj pritshmërie”.
Sipas një studimi ndërkombëtar të kryer mbi 686 pacientë dhe i publikuar së fundmi në revistën “Internationa Journal of Clinical Practice”, 8 burra në 10 i përgjigjen pozitivisht përdorimit të këtij ilaçi të ri, që është efikas edhe tek pacientët me një shkallë më të lartë të problemeve të ereksionit./ A.Gjypi
