Ministria e Shëndetësisë përmes një urdhri për heqjen e disa kritereve për tenderimin e barnave, rrezikon të fusë në treg medikamente të pakontrolluara dhe të rrezikshme për pacientët. Kjo ishte deklarata e përfaqësuesve të shoqatës farmaceutike shqiptare gjatë një komunikimi për shtyp.
Sipas kësaj shoqate, urdhëri i ministrit Ilir Beqja ka qëllime për favorime klienteliste që mund të sjellin pasoja katastrofike të shërbimit farmaceutik në vend, pasi lejon përdorimin e disa barnave që nuk janë të regjistruara në Republikën e Shqipërisë. Gjithashtu në këtë komunikatë u theksua se ministri nuk është konsultuar me grupet e interesit për të marrë mendimet dhe sugjerimet e tyre duke dëmtuar rëndë transparencën.
