Denisa Canameti, shendeti.com.al
Ministri Beqaj, pranishëm sot në Kongresin e Dytë Ndërkombëtar Mjekësor, nuk i ka kursyer batutat.
“Vitin e kaluar, Klod (dr. Klodian Allajbeu, drejtor i Përgjithshëm i Spitalit Amerikan), kam qenë pak në merak në konferencën e parë, sepse atëherë me një lloj xhelozie, vura re që salla e konferencës tënde mbushej plot e përplot, ndërsa ato kur i thërriste ministria, nuk mbusheshin plot. Në fakt, në vend që ne duhet të përmirësohemi, konstatoj që në këtë mëngjes, fillimisht, me sa duket, edhe ju qenkeni përkeqësuar”.
Kështu u shpreh ministri, ndërkohë që teksa përmendi kreditet, theksoi: “…të paktën, do të kërkoja të jeni rigoroz që kur të jepni në fund të ditës kreditet, të mos i masni vetëm me atë që erdhën në kohën e drekës, po filloni t’i masni me ata që ishin që në mëngjes”.
Në këtë mënyrë, ministri ka vënë “gishtin në plagë” pikërisht në çështjen e krediteve, për të cilat jo rrallë ka pasur përplasje me mjekët.
