Kur bëhet fjalë për largimin e insekteve nga shtëpia, të gjithë jemi të interesuar për metodat më efektive dhe të shëndetshme. Askush nuk do që të përdorë kimikate në ambientet ku jetojnë fëmijët. Për këtë arsye, më poshtë do t’ju prezantohen disa produkte që nuk janë të dëmshme dhe që kanë rezultuar të jenë shumë efektive në largimin e insekteve nga ambientet ku jetojmë.
Mentja
Merrni disa gjethe menteje , shtypini dhe shpërndajini në shtëpi. Aroma e saj do të pengojë që insektet të futen në shtëpinë tuaj. Gjethet e mentes mund t’i vendosni edhe pranë djepit të fëmijës suaj ose edhe në dollap midis rrobave, në këtë mënyrë rrobat do të kenë aromë të mirë dhe do të jenë të mbrojtura nga insektet.
Eukalipti, livandoja dhe rozmarina
Vajrat e këtyre bimëve janë jashtëzakonisht efektive në mbajtjen larg të insekteve. Ato mund të përdoren duke kombinuar një pikë nga të tre vajrat në një filxhan me ujë, masën e hedhim në një spraj, e tundim shishen dhe spërkasim vendin ku janë insektet.
Vaji i mentes
Insektet, sidomos merimangat, nuk e durojnë dot aromën e vajit të mentes. Ajo mund të përdoret për t’i mbajtur ata larg në të njëjtën mënyrë si vajrat e mësipërm.
Soda e bukës
Ndryshe nga produktet e mësipërme, soda vret insektet që tashmë janë në shtëpinë tuaj. Një mënyrë për ta përdorur atë është duke e shpërndarë nëpër shtëpi, veçanërisht në cepat e shtëpisë. Ajo i vret insektet duke i dehidratuar.
Uthulla
Ashtu si me vajrat, edhe uthullën mund ta përzieni me ujë dhe të spërkasni në shtëpi. Aroma ndoshta nuk do të jetë më e këndshmja e mundur, por do të largohet shumë shpejtë. E rëndësishme është që rezultatet do të jenë të mira.
