Përgatiti për gazetën “Shëndet+” dhe Shendeti Online: Fize Smailaj
Senati meksikan ka aprovuar përdorimin e kanabisit për qëllime mjekësore, kjo pasi ligji ka marrë shumicën e votive të senatorëve. Miratimi i këtij ligji erdhi pas një debati kombëtar mbi të dhe 98 senatorët votuan pro ligjit të propozuar nga presidenti Enrique Pena-Nieto , i cili lejon prodhimin e marijuanës për qëllime mjekësore dhe shkencore. Vetëm 7 ishin senatorët të cilët votuan kundër tij. Kjo paketë duhet të miratohet edhe nga dhoma e ulët e senatit në mënyrë që të bëhet ligj. Theksohet se Meksika është një nga vendet me numrin më të madh të karteleve të drogës.
Paketa e miratuar lejon përdorimin e produkteve që përmbajnë elementin e tetrahidrokanabinolit (THC). Ajo e bën të ligjshme blerjen, shitjen, importin apo eksportin e lëndëve me përmbajtje 1 % apo më pak të THC. Lisa Sanchez, drejtore e departamentit të lëndëve narkotike në policinë e Meksikos tha se ky është vetëm hapi i parë i një rruge shumë të gjatë.
Kultivimi i marijuanës ndalohet rreptësisht në Meksiko, por vitin e shkuar gjykata e lartë i dha 4 personave të drejtën e kultivimit të saj për përdorim personal, duke bërë një hap drejt legalizimit të saj.
Burimi/ Independent
