Denisa Canameti, gazeta Shëndet + dhe Shëndeti Online
3195 raste dhune në familje të raportuara për periudhën janar-shtator 2016. Këto të dhëna, të bëra të 
njohura nga Komiteti Shqiptar i Helsinkit, flasin për një rritje të rasteve të dhunës në krahasim me vitin 2015. Nga monitorimi që KSHH ka bërë gjatë këtij viti ndaj 97 seancave gjyqësore për çështjet penale dhe civile të lidhura me dhunën në familje, ka rezultuar se 70 % e viktimave janë të gjinisë femërore dhe dhunohen për shkaqe të lidhura me divorcin, përdorimin e alkoolit nga dhunuesit, varfërinë dhe papunësinë. 37% e ҫështjeve për lëshimin e urdhërave të mbrojtjes janë pushuar për shkak të mosparaqitjes së palës paditëse që në seancën e parë, kryesisht të grave ose për shkak se ato deklarojnë se nuk ekziston më konflikti. Në 40% të rasteve dhunuesi ka pasur arsim 8–9-vjeçar. Dhunuesit rezultojnë më së shumti recidivist për ushtrim të dhunës në familje.
