Një bimë gjenetikisht e modifikuar, në të cilën është shtuar një gen njerëzor, është në gjendje të prodhojë insulinë. Konkluzioni vjen nga një studim kanadez dhe hormoni i ri pritet të mbërrijë në treg brenda 3 vjetësh. Lajmi është bërë i njohur nga BBC dhe në të thuhet se pjesa më e madhe e insulinës sot prodhohet nga bakterie gjenetikisht të modifikuar.
Me teknikën e re mund të përdoren fara të shafranit fals (bimë barishtore me zhardhok si të qepës, me lule si hinkë në ngjyrë të verdhë) një bimë vajore pak e përdorur, që mbillet më tepër në fushat e Kilit, SHBA-së dhe Kanadasë. Kompania kanadeze parashikon një bum kërkesash për insulinë për shkak të përmasave që po merr sëmundja e diabetit në botë. Por kjo nuk është e vetmja bimë që po përdoret për qëllime farmaceutike. Prej disa kohësh duhani gjenetikisht i modifikuar po përdoret për të prodhuar një vaksinë kundër kancerit në fshikëzën e urinës.
