Përshtati në shqip: Blertina Koka / Shëndeti Online dhe gazeta ‘Shëndet+’
Një 17-vjeçar indian është zgjuar rrugës për në funeralin e tij pasi familja kishte menduar se një kafshim i qenit i kishte marrë jetën.
Kumar Marewad ishte kafshuar nga një qen rrugësh muajin e kaluar dhe ishte dërguar në spital në gjendje kritike.
Gjendja e tij shëndetësore u përkeqësua edhe më shumë dhe javën e kaluar mjekët njoftuan familjen se nuk mund të mbijetonte prandaj duhet t’i hiqnin pajisjet që e mbanin në jetë. Ata morën vendimin që t’i hiqnin aparatin që e mbante gjallë.
Familjarët menduan se 17-vjeçari ndërroi jetë kur ndaloi së marri frymë, prandaj vendosën që ta dërgojnë direkt në varreza. Por, adoleshenti u zgjua gjatë rrugës për në funeral.
“Vendosëm që Kumarin ta kthenim në shtëpi pasi doktorët na thanë se shanset për mbijetesë ishin të pakta pasi ta hiqnin ventilatorin”, rrëfen vëllai i Kumarit, Sharanappa Naikar, për mediat indiane.
Kishte temperaturë të lartë dhe infeksioni ishte përhapur në të gjithë trupin e adoleshentit.
Kur i hoqën aparatin që e mbante gjallë, familjarët menduan se ndaloi së lëvizuri dhe së marri frymë. Ata menduan se kishte vdekur dhe vendosën ta dërgojnë në shtëpi për të kryer ritualet e fundit.
Por, vetëm një milje larg nga fshati ku ishte planifikuar funerali, ai hapi sytë dhe filloi të marrë frymë shpejtë.
Kumar u dërgua përsëri në spital dhe tani po mbahet nën vëzhgim nga mjekët.
“Dyshonim se vuante nga meningoencefaliti, një infeksion që shkaktohet nga kafshimi i qenit”, shprehen mjekët për mediat indiane.
Burimi: Daily Mail / https://shendeti.com.al/
