Shpesh akuzat ndaj bluzave të bardha për mjekim të pakujdesshëm ose neglizhencë të detyrës kanë qenë të shumta, por dhe rastet kur ato kanë rënë pre e dhunës së pacientëve nuk kanë munguar.
Një rast i tillë është regjistruar mëngjesin e sotëm në Fier, ku një prind i një fëmije ka goditur me grushta laborantin me iniciale A.H, 33 vjeç, me detyrë Specialist i Laboratorit Mikrobiologjik të Drejtorisë Rajonale Shëndetësore Fier.
Incidenti ka nisur nga të qarat e fëmijës në momentin që laboranti është përpjekur t’i marrë kampionin për analizat.
Sipas policisë, e qara ka krijuar panik tek i ati i fëmijës i cili ka reaguar duke e goditur disa herë me grusht laborantin. Prindi akuzohet për veprën penale “Goditje për shkak të detyrës”./ https://shendeti.com.al/
