A është mirë përdorimi i të njëjtit frut apo perime për ditë? P.sh. shumë të pimë çdo ditë nga një apo dy gota lëng karrote për një lëkurë më të mirë…
Përgjigjja nga dietologia Enkeleda Ferrollari:
Menuja jonë ditore duhet të ketë larmishmëri frutash dhe zarzavatesh. Duhet t’i kemi të gjitha ngjyrat në pjatë. Asnjë ushqim i vetëm nuk bën mrekulli dhe nuk është dobiprurës për organizmin. Një zarzavat apo një frut i vetëm nuk mund t’i ketë të gjitha elementet mikroushqyese, vitaminat, kripërat minerale dhe antioksidantët. Çdo ngjyrë e zarzavateve ka element të ndryshëm kimike që i japin ngjyrën, aromën, shijen etj. Të gjitha këto së bashku i shërbejnë organizmit tonë.
