Është nisur drejt Italisë për një trajtim më të specializuar mjeku anestezist Tefik Zhurda, i cili tentoi vetëvrasjen pas operacionit fatal, ku ndërroi jetë 16-vjeçarja Blerta Pepa.
Spitali Universitar i Traumës bën me dije që paraditen e martës, 23 maj 2017, se mjeku anestezist u nis me një charter sanitar drejt Perugia në Itali, në spitalin Santa Maria ku do të vijoi trajtimin.
Mjeku vijon në gjendje të rënduar shëndetësore dhe është transportuar i intubuar.
Për më shumë se një javë, mjeku anestezist qëndroi në gjendje kome në Spitalin Universitar të Traumës.
Tefik Zhurda injektoi anestezi dhe qetësues të rëndë, pasi pacientja e tij ndërroi jetë në sallën e operacionit pas komplikacionit të shfaqur nga hipertermia malinje.
Burimi: Ora News
