Palestra e vërtetë për njeriun është natyra. Ngritja e trungjeve të pemës, vrapi dhe saltot nëpër shtegje, ekskursionet në këmbë dhe ngjitja e 
pemëve degë më degë. Është pikërisht në ambjent të hapur që mund të modifikohet fiziku dhe të ruajë gjendjen rinore. Në ambiente të mbyllura gjithçka është artificiale dhe trupi plaket më shpejt. Kjo është teorema e fizkulturës natyrore. “Trupi i njeriut ka harruar se si lëvizet. Është koha të kthehemi në origjinë”, shprehen trajnerët. Suksesi i metodës së re është aq i madh, saqë specialistë të fushës kanë hapur selitë e tyre në Meksikë, Brazil, Tajlandë, Kosta Rikë dhe Spanjë, në lokalitete me natyrë të egër, ndërkohë që kurset bëhen në qytetet kryersore të Shteteve të Bashkuara dhe atyre evropiane si në Londër, Berlin e Barcelonë.
Metoda bazohet edhe në një dietë që shmang ushqimet që krijojnë varësi dhe ata të procesuar, sidomos sheqerin dhe alkoolin. Themeluesja Tara Ud ka hapur seli në bregun e Kenias, në ishullin anglez Uajt dhe në Andaluzi. Të interesuarit stërviten me atë që ofron deti dhe plazhi, por për t’u çlodhur përdorin ambjente luksoze.
