Një ngjarje e rëndë ka ndodhur një ditë më parë në urgjencën e pediatrisë në QSUT. Sipas burimeve të policisë bëhet e ditur se një fëmijë 4 muajsh ka ndërruar jetë dhe për pasojë në gjendje të rënduar psikologjike i ati i foshnjës është rrëzuar dhe ka dëmtuar monitorin kardiak të reaminacionit.
Kështu, përveç dhimbjes së vdekjes së fëmijës 4 muajsh, do t’i duhet të përballet edhe me drejtësinë.
“Më datë 25.09.2017, u referuan materialet në Prokurorinë e Rrethit Gjyqësor Tiranë, për shtetasin V.Z vjeç 36 banues në Tiranë, pasi dyshohet se në QSUT, te urgjenca e pediatrisë, duke qenë në gjendje të rënduar psikologjike, për shkak të vdekjes së fëmijës 4 muajsh, aksidentalisht është rrëzuar, për pasojë ka dëmtuar monitorin kardiak të reaminacionit”, – thuhet në njoftimin për shtyp të Policisë së Tiranës./ Shendeti.com.al
