Përgjigjet Lindita Myzyri, mjeke obstetër – gjinekologe pranë Qendrës Shëndetësore Nr.3, Tiranë.
Ardhja e ciklit menstrual ka veçoritë e veta në çdo organizëm. Jo çdo femre cikli menstrual mund ti vijë me të njëjtat shqetësime. Përderisa kemi një shpërthim/ çarje të vezës në kohën e ovulimit, sigurisht që tek disa femra reagon me atë dhembjen në fund të barkut. Ka femra që për nga natyra janë shumë të ndjeshme dhe reagojnë më pas jo vetëm me dhimbjen e barkut, por edhe me të vjella. Pra janë reagime të vetë metabolizmit pa patur asnjë lloj problemi sikundër mund të ketë dhe raste të tjera që mund të kenë dhimbje gjatë ciklit apo çrregullime të ciklit që kjo pastaj ka të bëjë me problematika të ndryshme të vezoreve./ Shendeti.com.al
