Si të hiqni njollat e kafes nga veshjet?
Njollat e kafes mund t’i hiqni me uthull molle dhe sodë buke. Mjafton ta njomni pjesën e njollosur me uthull molle. Më pas hidhni sodë buke dhe fërkojeni bluzën me një furçë dhëmbësh. Në fund e lani bluzën si zakonisht.
Si të hiqni njollat e verës së kuqe?
Ju duhet kripë dhe ujë i nxehtë. Hidhni fillimisht kripë në pjesën e njollosur, më pas e lani me ujë të valuar, pa e prekur këtë të fundit me dorë. Në fund e lani rrobën si zakonsiht.
Si të hiqni njollat e buzëkuqit dhe pudrës?
Aplikoni alkool dhe heqës të manikyrit ose ujë dhe uthull molle. Në fund e lani rrobën si zakonisht.
Si të largoni njollat e djersës nga rrobat e bardha?
Shtypni disa kokrra aspirinë, shtoni ujë dhe i përzieni mirë. E aplikoni përzierjen tek pjesa e njollosur e bluzës dhe e lani rrobën si zakonisht. Kështu nuk do të keni nevojë që ta fërkoni mirë bluzën që të hiqni njollat.
Si të hqini njollat e salcës së kuqe?
Aplikoni sodë buke në pjesën e njollosur. Lëreni për pak minuta dhe më pas shtoni detergjent enësh. E fërkoni me një furçë dhmbësh duke e njomur atë tek uthulla e mollës. Në fund e lani rrobën si zakonisht. / Shendeti.com.al
