Përshtati në shqip: Blertina Koka
Shëndeti Publik në Angli rekomandon që njerëzit mbi 30 vjeç të kryejnë një test online për të zbuluar moshën e zemrës dhe nëse janë të rrezikuar nga ataku në zemër ose goditja në tru. Ekspertët parashikojnë që rreth 80% e rasteve me atak në zemër dhe goditje në tru te njerëzit nën 75 vjeç mund të parandalohen nëse përmirësohet shëndeti i zemrës. Mënyra e jetesës jo e shëndetshme vë në rrezik për vdekje të parakohshme 4 në 5 njerëz.
Njerëzit duhet të heqin dorë nga duhani, të ndjekin një dietë të shëndetshme dhe të kryejnë aktivitet fizik. Testi nuk është diagnostikues – nuk do t’ju tregojë nëse do të pësoni ndonjë atak në zemër – por mund të jetë si alarm zgjimi për të bërë ndryshime të shëndetshme.
Si të përmirësoni shëndetin e zemrës:
- Hiqni dorë nga duhani
- Jini aktivë
- Kontrolloni peshën
- Konsumoni më shumë ushqime të pasura në fibra
- Kufizoni yndyrat e ngopura
- Konsumoni 5 racione në ditë me fruta dhe perime
- Kufizoni kripën
- Konsumoni peshk
- Pini më pak alkool
Burimi: BBC / Shendeti.com.al
