Është shënuar viktima e 36 nga COVID-19 në vendin tonë.
Sipas të dhënave zyrtare nga Ministria e Shëndetësisë dhe Mbrojtjes Sociale, në 24 orët e fundit ka humbur jetën një 71-vjeçar nga Durrësi. I ndjeri qëndronte i shtruar në spital prej dy javësh. Aktualisht, në spital po marrin trajtim 48 pacientë. Prej tyre, 7 janë në terapi intensive.
Gjatë 24 orëve, janë shëruar 33 qytetarë. Në të gjithë vendin, 346 persona janë aktivë me Covid. Ministria e Shëndetësisë bën thirrje për ndërgjegjësim të popullatës. Në deklaratat zyrtare theksohet ruajtja e distancave jo më pak se 1.5 metra nga tjetri. Thirrja e njejtë shkon për evitimin e grumbullimeve, ceremonive festive apo mortore, si dhe shmangia e takimit me duar apo përqafime.
