Institucionet e pavarura janë gurthemel i demokracisë, ndaj edhe forcimi i rolit të tyre është thelbësor për zhvillimin e shtetit dhe për eurointegrimin e Shqipërisë.
Për të kontribuar në këtë proces, një trajnim 3-ditor po zhvillohet në bashkëpunim me ekspertët më të mirë në fushën e të drejtave të njeriut, me focus institucionet kombëtare për të drejtat e njeriut, Avokati i Popullit, Komisioneri për të Drejtën e Informimit dhe Mbrojtjen e të Dhënave Personale dhe Komisioneri për Mbrojtjen nga Diskriminimi.
Në ditën e dytë të këtij trajnimi të udhëhequr nga Prof. Enkeleda Olldashi, me temë “Roli i Institucioneve të pavarura për Garantimin e Një Procesi të Rregullt Ligjor”, u trajtuan ccështjet: Procesi i rregullt ligjor (në kuadër të KEDNJ); Parimet kryesore të mbrojtjes së të drejtave në procesin e rregullt ligjor; Përcaktimi i kohëzgjatjes së procedurave gjyqësore; Vonesa në ekzekutimin e vendimeve; Qasja në drejtësi duke përfshirë organet jo-gjyqësore
Ky shkrim është prodhuar në kuadër të projektit “Evropa respekton të drejtat e njeriut”, zbatuar nga organizata “Together for Life” dhe “Act For Society”, me mbështetjen financiare të Bashkimit Evropian. Përmbajtja e tij është përgjegjësi e vetme e TFL dhe nuk pasqyron domosdoshmërisht pikëpamjet e Bashkimit Evropian.
