Gazetare: Klevisa GJIKA
Ministrja e Shëndetësisë dhe Mirëqenies Sociale, Ogerta Manastirliu, gjatë mbajtjes së fjalës në kuvend thekson faktin se situata është shumë serioze dhe se shëndeti duhet të jetë primar në kohë të tilla.
“Po të shkoni sot te Spitali Infektiv, janë 6 persona rëndë, disa prej të cilëve fare të rinj. Kjo nuk është lojë, duhet marrë seriozisht”.
Pas deklaratës së epidemiologes Rovena Daja se nuk do të ketë izolim total, edhe ministrja e Shëndetësisë pohoi të njëtën gjë. Në fjalën e saj, ajo apeloi se masat drastike nuk do të rikthehen, por tha duhet bërë kujdes sepse një shëndet i mirë mundëson një ecuri të mirë finanaciare.
“Mos e vendosim në një stres të pamerituar sistemin tonë shëndetësor. Qytetarët të zbatojnë masat e thjeshta, të endosin maskat, të ruajnë distancimin dhe të kujdesen për higjienën. Nëse nuk ka shëndet, s’ka ekonomi. Nuk do të izolohemi, nuk do të marrim masa, por duhet të zbatojmë rregullat e thjeshta”, u shpreh Manastirliu.
