Kryeministri Edi Rama, gjatë komunikimit javor me gazetarët, foli edhe mbi situatën e pandemisë COVID-19, shtimin e rasteve ditët e fundit, si dhe një skenar të mundshëm për mbylljen si pasojë e përhapjes së pandemisë.
“Një mbyllje tjetër është diçka më përmasa jashtëzakonisht kritike për të gjithë. Një kontroll i rregullave në hapje me polici e ushtri për çdo qytetar i pamundur.
Rritja e numrit ndodh kur vendet hapen, ne po bëjmë çmos por nuk mendoj që ne duhet t’i kthehemi mbylljes dhe që të gjithë duhet ta dinë që virusi nuk ka ikur. Dhe ne nuk bëjmë dot mbyllu hapu mbyllu!
Nëse duam të ruajmë këtë trend e te minimizojmë pasoja, atëherë çdo kush do mbajë përgjegjësin e vetë të tjerat janë llafe. Ne numrin e testeve e kemi rritur”, tha Rama.
