Bisedoi: Klevisa GJIKA
Simptomat e rrufës dhe koronavirusit po ngatërrohen shumë gjatë kësaj periudhe. Në një intervistë për gazetën “Shëndeti Plus”, mjekja mikrobiologe Blerta Brati tregon se cilat janë specifikat e tyre dhe si mund t’i dallojmë ato nga njëra – tjetra.
Dallimet mes shenjave të covid -19 dhe gripit të zakonshëm:
Temperaturë ka në të dy rastet. Secila ka specifikat e veta.
- Rrufa në moshat e reja bën ciklin e vet deri në 38-38.5 gradë C me sekrecione, kolle, rrjedhje hundësh, por me paractamol ose ibuprofen, me lëngje ecën shumë mirë dhe ska problem.
- Te covid – i është një temperaturë që fillon papritur, është një lodhje trupore që nuk i jep shkak, është një kollë që vjen e thatë. Krahas tamponit, bëhet edhe një skaner i mushkërive për të parë ndryshimet nga herët e tjera.
- Në të dyja rastet mund të kemi diarre, por diarreja nuk është prezente gjithmonë në covid dhe gjithmonë në të gjitha moshat, por nuk përjashtohet si simptomë.
- Dhimbja muskulore është më shumë e shprehur te covid – i, sepse një person me rrufë ka infeksione të traktit të sipërm respirator, ndryshe nga covid që përfshin edhe traktin e poshtëm respirator. Trakti i sipërm është i populluar nga mikroorganizma.
Nisur nga situata në të cilën gjendemi, mjekja sugjeron:
– Të moshuarit të dalin me orare
– Supermarketet të hapen me orare të ndryhshme, të kishim një grafik
– Kafet të mos hapen të gjitha njëkohësisht
– Jo takime, grumbullime në ritet fetare, koncertet
– Respektimi i radhës
– Duhet të hiqen vizitat familjare
