Pamje të rënda vijnë nga infektivi. Një grua e intubuar, në gjendje të rëndë për jetën, “feston ditëlindjen” në ambientet spitalore, ku nuk mungojnë dhuratat e fëmijëve të saj për t’ju gjendur sadopak pranë. Kjo u bë e ditur nga ministrja e Shëndetësisë dhe Mbrojtjes Sociale në një postim në rrjetin e saj social facebook, ku apelon përmes këtij rasti, që të gjithë qytetarët të bëjnë sa më shumë kujdes.
Manastirliu thekson: “Ajo është në terapi intensive, e intubuar, vetëm për shkak të virusit të rrezikshëm, që merr jetë! Të mos e lejojmë që COVID – 19 të përhapet, duke rrezikuar jetën e njerëzve tanë të dashur!”
Postimi i plotë:
Ju lutem ndaluni pak çaste për të parë këtë nënë që po lufton për jetën në spitalin infektiv
Në ditën e saj të lindjes, në pamundësi për ta parë, fëmijët kanë dashur t’i tregojnë se i janë pranë, duke i sjellë një tufë lule në spital. Por ajo është në terapi intensive, e intubuar, vetëm për shkak të virusit të rrezikshëm, që merr jetë!
Të mos e lejojmë që #COVID19 të përhapet, duke rrezikuar jetën e njerëzve tanë të dashur!
