Kombet e Bashkuara, kanë bërë apel për mbledhjen e 10.3 miliardë dollarëve, për përballimin e pandemisë në botë. Kjo është shuma më e madhe e kërkuar ndonjëherë nga OKB-ja. Sipas saj, 265 milionë njerëz, do të luftojnë me urinë deri në fund të 2020, për shkak të krizës që ka sjellë koronavirusi. Paratë që kërkon OKB-ja, do të përdoren për vendet e varfra. Nëse kjo shumë nuk do të mblidhet, Kombet e Bashkuara, thonë se kriza do të zgjasë me dekada dhe rimëkëmbja do të jetë shumë e vështirë.
Në mars organizata kërkoi 2 miliardë dollarë, por shuma u rishikua. Kombet e Bashkuara, thonë se vendet e pasura tashmë e kanë hartuar planin për të mbrojtur ekonominë e tyre, ndaj është koha të hedhin sytë te vendet e varfra. Në botë ka më shumë se 13 milionë raste të konfirmuara me Covid-19 dhe rreth 600.000 të vdekur./L.F-dritare.net
