Gazetare: Klevisa GJIKA
Gjatë 24 orëve të fundit janë marrë 20 tampone në qytetin e Dibrës, në 2 vatrat e infeksionit: bashkinë dhe policinë e vendit. Të dhënat e fundit tregojnë se një punonjës i stafit të Bashkisë Dibër dhe një punonjës policie kanë marrë përgjigje pozitive pas kryerjes së testit për koronavirusin.
Teste të tjera janë dërguar pranë laboratorit të Institutit të Shëndetit Publik në Tiranë për të bërë analizën e tamponeve të reja për personat e dyshuar me COVID – 19.
Aktualisht, po bëhet monitorimi i zbatimit të masave për minimizimin e përhapjes së virusit edhe më tej. Në Dibër po bëhen inspektime në terren për evidentimin e rasteve që nuk ruajnë distancën dhe nuk vënë maskën.
Kujtojmë se deri tani ka 1 humbje jete dhe 24 raste aktive në këtë rreth.
