Gazetare: Klevisa GJIKA
Maska është kthyer në detyrim në ambientet e mbyllura për të gjithë qytetarët pa përjashtim. Gjithsesi, kjo masë mbetet vetëm një ligj tjetër i marrë nga instancat përkatëse, pasi nuk është respektuar dhe nuk po merret sa duhet seriozisht gjatë kësaj periudhe të krijuar nga COVID – 19.
Një reagim për mbjajten e maskës ka bërë mjeku Arben Baboçi:
“Është shumë më e lehtë të mbash këtë maskë, se sa maskën e oksigjenit. Bëje për vete, për të dashurit e tu e për të tjerët që të rrethojnë”.
Reagimin e tij e publikoi ministrja e Shëndetësisë dhe Mbrojtjes sociale në rrjetin social facebook për ndërgjegjësimin e të gjithë atyre që mendojnë se maska nuk mund të mbrojë sadopak jetën.
