Është ndarë nga jeta një prej epidemiologëve më të mirë shqiptarë Memo Boçi, i cili ka qenë një nga mjekët e parë që është marrë me trajtimin dhe parandalimin e HIV AIDS në Shqipëri.
Për 14 vjet rresht, Boçi ka drejtuar shëndetin publik në Shqipëri, duke qenë drejtuesi më afatgjatë në këtë pozicion, dhe duke marrë besimin e drejtuesve të ministrisë.
Për 12 vjet të tjerë, doktori ishte drejtuesi dhe “motori” i programit të kontrollit të HIV/AIDS. Nga viti 1990 deri në vitin 2002, kur doli në pension, Dr. Memo dhe ekipet e shumta që ai organizoi, planifikuan dhe zbatuan të gjithë ndërhyrjet për parandalimin dhe kontrollin e HIV/AIDS në Shqipëri.
Libri i jetës së Dr. Memos “HIV/AIDS në Shqipëri: vështrim i përgjithshëm” është publikimi më serioz rreth kësaj sëmundje në vendin tonë, thonë epidemiologët e tjerë.
Prej kohësh ai vuante nga një sëmundje e rëndë të cilën duket se nuk ka mundur dot që ta përballonte, pavarësisht përpjekjeve të kolegëve e lutjeve të familarëve të tij.
Për ndarjen nga jeta të epidemiologut Memo Boçi ka reaguar dhe shefja e ISHP Silva Bino, e cila e kujton doktorin përmes një ngjarjeje të ndodhur në shkurtin e vitit 1988.
Mbaj mend qe ishin dite me shi dhe ishte shkurt 1988. Prisja se kush do te ishin anetaret e komisionit te provimit pasuniversitar te epidemiologjise Ne ate kohe semundjet infektive dhe higjena sic quhej ishin nje departament por ndersa per semundjet infektive ishin profesoret e infektivit per epidemiologjine duhej nje komision me i gjere. Do te jete Memo Boci me thane i cili ne ate kohe ishte Drejtor i Pergjithshem i Higjenes dhe Epidemiologjise ne MSH Do ta vendose ai se ku dhe kur. Me ne fund u la data 29 Shkurt. Memo Boci ishte legjenda e programeve dhe puneve te higjenes dhe parandalimit. Dr.Memo zakonisht vendoste qe keto provime te kryheshin ne Institutin e Higjenes si vendi kyc i parandalimit dhe ashtu u be. Ishte aq miqesor dhe i qeshur dhe ma hoqi menjehere ankthin e provimit. Pyetja e pare ishte se pse kisha zgjdhur kete nendege dhe pastaj vazhduam me tezat e provimit.
Me pas me la nje detyre te vecante te shoqeroja nje konsulent te famshem te OBSH te HIV/AIDS Dr.Daniel Tarantolen ne vendet e sterilizimit te shiringave dhe me lejoi te merja pjese ne takimin perfundimtar me te ku u tha qarte se cfare katastrofe e priste Shqiperine po te mos merreshin disa masa. Te cilat nje per nje Dr.Memo u perpoq aq shume dhe u moren qysh nga depistimi i gjakut, shiringat me nje perdorim etj. keto qe ne sot i marim te mirqena u vendosen me shume mund nga Dr. Memo Boci. E me vone kur ne do te paraqiteshim ne konferencen per AIDS ne Lisbone ne vitin 1990 ishte ai qe pas asnje ngurim na vuri ne dispozicion materialet qe prezantimi Shqiperise te ishte sa me dinjitoz. Ishte Memo Boci personi qe me dedikim nuk lejoi qe Shqiperia te personte katastrofe nga HIV/AIDS dhe qe ndertoi programin e pare te parandalimit te HIV/AIDS ne vend.
Dr.Memo ishte nje person qe perqafonte cdo gje te re dhe nuk pertonte te ndihmonte te rinjte. Ishte nje model i njeriut punetor e te perkushutar ne fushen e parandalimit. Kurioz nga natyra dhe me etjen per te mesuar ne cdo kohe themeloi shoqaten Stop AIDS qe u be pararoja e shoqerise civile per HIV/AIDS. Nje burre i mencur dhe plot force qe do te na mungoje shume. Shpresuam shume qe do ja dilte por nuk mundem. Pusho ne paqe profesori yne tu kesh lene uraten djemve Arianit qe nuk tu nda me sherbimin e tij, Jones e mbesave”, shkruan Bino
