“Në vitin 2020 shkaku kryesor i sëmundjeve ose i mungesave në punë, do të jetë stresi”. Ky është përfundimi i dalë nga vëzhgimi i Agjencisë Evropiane për 
Siguri dhe Shëndet në Punë (Eu-Osha).
Një gjë e tillë u mbështet edhe nga drejtuesi italian Tommaso De Nicola, i cili tha: “Sot shkaqet kryesore të stresit janë pasiguria, mbingarkesa në punë dhe faktorët drejtues, në veçanti mungesa e mbështetjes nga shefat dhe bashkëpunëtorët. Për 50% të punëtorëve evropianë të intervistuar, stresi është një gjendje normale pune”.
“Tema e stresit na përket të gjithëve, – tha nënsekretari i Çështjeve të Jashtme dhe Bashkëpunimit Ndërkombëtar, Benedetto Della Vedova. – Mendojmë se kush është punësuar në fushat ndërkombëtare, çdo katër në pesë ndërron vend, zyrë, shtëpi, shkollën e fëmijëve, jeton larg përqafimeve, dashurisë së familjes dhe shpesh e ka të vështirë t’i rikthejë gjëra të tillë.
“Po prapë e vështirë është për ata që punojnë në zonat ku ka kriza dhe situata emergjence. Pra është thelbësore që të përmirësohen kushtet e punës për punëtorët në mënyrë që të arrijnë objektiva cilësorë, të jenë efikas dhe produktivë”./ANSA
