Gjakmarrja si një dukuri e trashëguar shoqërore ka pasoja të rënda për një shoqëri akoma të brishtë shqiptare. Ky fenomen sjell pasoja traumatike për
personalitetin e personave dhe sidomos të fëmijëve, duke rritur në familje ndjenjën e krimit, të urrejtjes, të dëshpërimit dhe të përbuzjes shoqërore, e bën familjen ekonomikisht të varfër, rëndon situatën sociale të njerëzve, që kërkojnë kujdes të veçantë. Familjet e ngujuara nuk kanë mundësi për të përfituar shërbimet shëndetësore parësore për arsye se kanë frikë të dalin nga gjaksi.
Është shumë e rëndësishme që të ndërhyhet në mënyra të posaçme për të lehtësuar procesin e përfitimit shëndetësor tek këto familje. Për të zbutur pasojat e këtij fenomeni të tmerrshëm të shoqërisë sonë kërkohet nga Ministritë e Shëndetësisë që nëpërmjet programeve e organizmave të mundësojë dhe parashikojë programe specifike për familjet e ngujuara nga gjakmarrja.
Ministria e Shëndetësisë duhet t’i ofrojë personave të ngujuara nga gjakmarrja shërbim shëndetësor në shtëpi sipas paketës bazë të Kujdesit Shëndetësor Parësor, që çdo qendër shëndetësore nëpërmjet mjekut të failjes u ofron pacientëve që janë rregjistruar pranë saj.
