Blerina Bombaj, dietologe
Ushqimi i shëndetshëm nënkupton edhe kosto të lartë. Por jo gjithmonë. Ushqimi i stinës dhe i vendit 
është gjithmonë zgjedhja më e mirë kur duam të ushqehemi shëndetshëm dhe me ekonomi. Ja se si mund të rrisni në mënyrë drastike cilësinë e dietës suaj pa u shpenzuar:
- Lëng mishi: lëngu i kockave të mishit i bërë në shtëpi është i pasur në minerale kyç për imunitetin, forcon kockat, kuron aparatin tretës dhe lufton infeksionet.
- Fasulet: burim i shkëlqyer i energjisë dhe proteinave, i fibrave dhe mineraleve. Ndihmojnë në parandalimin e hipertensionit, diabetit, mbipeshës dhe kancerit të zorrës së trashë.
- Vezë fshati: burim ideal i proteinave, fosfolipideve, omega 3 dhe antioksidantëve.
- Sardelet: burim i shkëlqyer i acideve lyrore omega 3 dhe proteinave. Kur konsumohen bashkë me halat janë ideale për kockat dhe muskujt.
- Turshitë: ideale për shëndetin e aparatit tretës, por kujdes me kripën. Duhet t’i shpëlani dhe t’i evitoni nëse jeni me hipertensioni.
- Zarzavatet dhe frutat e stinës: burim i pazëvendësueshëm i antioksidantëve, fibrave dhe vitaminave.
