Gripi i stinës po qarkullon në vendin tonë që prej një muaji. Dy rastet e para të gripit janë konfirmuar një muaj me parë. Bëhet fjalë për 2 qytetarë që janë konfirmuar me grip të tipit A.
Vaksinimi i qytetarëve kundër gripit ka nisur më 25 tetor. Vaksina e gripit mund të bëhet në të njëjtën kohë me atë anti-Covid. Sipas mjekëve ky kombinim jep më shumë mbrojtje.
Prioritet kanë personat mbi 65 vjeç, ata me sëmundje kronike, si edhe gratë shtatzënë. Bashkë me qarkullimin e COVID, gripi i stinës dhe virozat respiratore pritet ta rëndojnë situatën epidemiologjike në dimër. Prandaj është e rëndësishme që qytetarët të mos heqin maskat si dhe të vaksinohen ndaj COVID dhe gripit të stinës.
