Ke fjetur mirë apo je zgjuar me ankth? Sa mirë do të shkojë dita juaj varet kryesisht nga ajo që ndodhi një natë më parë, sa mirë trupi juaj pushoi gjatë natës dhe si i kaloni minutat e para të hapjes së syve.
Të gjithë këta faktorë luajnë gjithashtu një rol të veçantë në inflamacionin kronik, një gjendje që kontribuon në dhimbje, lodhje, plakje dhe më shumë. Inflamacioni kronik mund të shkaktohet nga faktorë të jetesës jo të shëndetshme .
Për ta mbajtur atë nën kontroll, thjesht ndiqni hapat e thjeshtë më poshtë çdo mëngjes.
Dilni në diell
Nëse dëshironi të flini më shpejt dhe më mirë, duhet të hapni menjëherë grilat ose të dilni për një shëtitje në mëngjes. Ekspozimi i drejtpërdrejtë në diell pas zgjimit rregullon hormonin e gjumit melatonin, duke ju ndihmuar të ndiheni më mirë në mëngjes. Privimi i gjumit, nga ana tjetër, rrit shënuesit inflamatorë në trup, sipas Harvard Health Publishing.
Lëreni celularin jashtë dhomës së gjumit
Stresi jo vetëm që ndikon në shëndetin tuaj mendor, por gjithashtu dëmton sistemin imunitar, duke rritur rrezikun e inflamacionit të tepruar. Mënyra se si stresi ndikohet nga përdorimi i ekraneve u hulumtua gjithashtu më gjerësisht nga një studim i publikuar në Mental Health Research dhe arriti në përfundimin se ata pjesëmarrës që reduktuan kohën që shpenzuan në mediat dixhitale me tre orë në javë, kishin tregues të reduktuar të hormonit të stresit (kortizolit), ndërsa raportuan mirëqenie më të madhe.
Prandaj preferohet ta nisni ditën tuaj me një aktivitet më të relaksuar, si leximi i disa faqeve ose shëtitja. Në fund të fundit, një shëtitje konsiderohet si një nga agjentët e njohur anti-inflamator dhe ofron tetë përfitime të tjera nëse bëhet në mëngjes.
www.faxweb.al
