10% e urgjencave mjekësore në këtë periudhë të vitit janë të lidhura me temperaturat e larta.
Drejtori i urgjencës kombëtare Skënder Brataj, thotë se të moshuarit janë më të prekur nga moti i nxehtë.
‘Moshat e treta kanë pluripatologji dhe shumë trajtime me medikamente po ashtu dhe temperaturat e larta janë vetë një medicament. Duke qenë mes medikamenteve dhe të nxehtit krijon problem me presionin apo frymëmarrjen apo patologji të ndryshme pulmonare apo kardiake”- u shpreh Skënder Brataj, drejtor i Urgjencës Kombëtare.
Dehidrimi në ditët e nxehtat çon shpesh në dyert e urgjencës, shumë qytetarë, por që edhe këtë herë mbizotërojnë moshat e thyera dhe fëmijët.
“Të kesh një bilanc të mirë hidrik, duhet të pish deri në 2 litra në ditë, kjo është më e theksuar tek moshta e treta sepse nuk kanë etje dhe kjo krijon dehidratim pa e kuptuar.
Një tjetër problematikë e sezonit veror, janë edhe djegiet nga dielli.
“ Të gjithë kërkojmë të marrim sa më shumë rreze dhe ngjyrën çokollatë dhe ekspozohemi shumë në diell, gjë e cila shkakton djegie nga grada e parë e 2 ose e 3. Që nga një eritemë ose skuqje e lëkurës, tek grada e dytë me veshikula dhe grada e 3 që ndodh rrallë po që janë fenomene që ndodhin në këtë periudhë”- shtoi Brataj.
Në të tilla raste mjekët sugjerojnë që të mos bëhet vetëmjekim pasi situata mund të përkeqësohet, ata rekomandojnë konsultat me mjekët specialist dhe përdorimin e medikamenteve sipas përshkrimit në recetë.
Burimi: euronews
