Nga Blerina Bombaj, dietologe
Shëndeti i kockave është shumë i rëndësishëm dhe mirëmbajtja e tyre bëhet gjithnjë e më e rëndësishme me kalimin e viteve. Ja disa pika të rëndësishme ku duhet të fokusoheni:
Aktiviteti fizik: Të qëndruarit aktiv, duke u marrë me ushtrime force dhe sport, ndihmon në forcimin e kockave dhe përmirësimin e balancës.
Regjimi ushqimor: Sigurohuni të merrni mjaftueshëm kalcium dhe vitaminë D. Është mirë të konsultoheni me mjekun ose dietologun tuaj mbi burime ushqyese e suplemente që mund t’ju ndihmojnë në mirëmbajtjen e kockave.
Duhanpirja: Nuk është e dëmshme vetëm për mushkëritë e zemrën, por edhe për kockat.
Parandaloni rëniet: Me moshën, rëniet bëhen përherë e më të rrezikshme. Sigurohuni të ulni rrezikshmërinë duke hequr rrëmujën ose objekte të panevojshme në ambientin ku qëndroni.
Mjekimet: Nëse është e nevojshme, me rekomandimin e mjekut, merrni medikamentet e nevojshme.
