Një mollë në ditë e mban mjekun larg, por a mund të mbajë nën kontroll kapsllëkun një portokall?
Gruaja me Instagramin @lilsipper ndau “kurën” e saj hap pas hapi për kapsllëkun, e cila përfshin larjen e pjesës së jashtme të portokallit, prerjen e tij në feta, lyerjen e çdo fete me kanellë dhe kajenë dhe ngrënien e të gjithës duke përfshirë edhe lëvozhgën.
“Prisni 5-10 minuta dhe pjesa tjetër është histori!” shkruan ajo.
Bethany, gruaja pas rrëfimit, shpjegoi se kjo funksionon sepse, portokallet përmbajnë naringenin, një flavonoid që ndihmon me kapsllëkun në përgjithësi dhe studimet tregojnë se naringenina mund të ketë gjithashtu një efekt laksativ.
Ajo shtoi në mbishkrim, “Kajena dhe kanella përmbajnë kapsaicinë, të cilat nxisin receptorët tuaj TRVP1 dhe stimulojnë traktin gastrointestinal – duke i bërë gjërat të funksionojnë shumë shpejt.”
Por a funksionon vërtet kjo përzierje?
Portokallet përmbajnë me të vërtetë shumë fibra dhe ujë – dy elementë të njohur që ndihmojnë në lehtësimin e kapsllëkut – por lëvorja nuk ka asgjë të veçantë në lidhje mekapsllëkun”, thonë ekspertët.
“Fibrat në lëvozhgat e portokallit nuk kanë ndonjë gjë të veçantë në krahasim me fibrat e tjera”, tha për Health Amy Broënstein, dietologe .
Lëvoret e portokallit janë përgjithësisht të sigurta për t’u ngrënë, por substanca të dëmshme si pesticidet ose bakteret mund të jetojnë në sipërfaqe, prandaj sigurohuni që t’i lani frutat tërësisht.
Megjithatë, disa njerëz mund të përjetojnë efekte anësore jo të mira nga lëvorja.
Për disa njerëz, lëvorja e portokallit mund të shkaktojë irritim.
Një portokall me lëkurën e tij të paprekur është 82% ujë dhe ka 7 gram fibra, që mund të jetë një sasi e konsiderueshme, por gjithashtu nuk ka gjasa që t’ju dërgojë me vrap në tualet – veçanërisht për ata që janë të prekshëm nga kapsllëku, përfshirë ata që vuajnë nga IBS.
“Për një person të prirur ndaj kapsllëkut, nuk ka asnjë mënyrë që ngrënia e një ushqimi me fibra të lartë të prodhojë efekte të menjëhershme. Thjesht nuk funksionon kështu fibra,” tha për Health Danielle VenHuizen, dietologe.
“Ndërsa fibra mund të nxisë rregullsinë, duhen orë të tëra që fibra të arrijë në zorrën e trashë dhe të ndihmojë në zbutjen e kapsllëkut,” tha ajo.
“Rritja e aktivizimit të receptorëve TRVP1 duke gëlltitur kanellë dhe kajenë mund të kontribuojë në dhimbje dhe parehati më të madhe në vend që të stimulojë drejtpërdrejt traktin tretës,” shpjegoi Broënstein.
