Për shkak të nxitimit shumë prej nesh konsumojmë pije me sheqer në mëngjes.
Nga kafetë dhe çajrat e ëmbël deri te lëngjet e frutave dhe pijet energjike, këto pije ofrojnë një zgjedhje të shpejtë. Megjithatë, është thelbësore të jeni të vetëdijshëm se këto pije mund të lidhen me parehati dhe fryrje për disa individë. Sipas ekspertëve, është e rëndësishme të shmangni disa pije në mëngjes, pasi mund të shktojnë fryrje.
Lëngjet e frutave me sheqer të lartë, kafeja me plot qumësht, pijet me proteina pluhur dhe pijet energjike janë ato që duhet të shmangni në mëngjes. Lëngjet e frutave me përmbajtje të lartë sheqeri, edhe pse në dukje freskuese, mund të kontribuojnë në fryrjen e barkut tek disa njerëz. Këto lëngje shpesh përmbajnë nivele të larta të fruktozës, një sheqer natyral që gjendet në fruta.
Qumështi i plotë, i cili përdoret zakonisht në kafe, përmban laktozë, një sheqer që mund të jetë i vështirë për t’u tretur për disa njerëz. Intoleranca ndaj laktozës mund të çojë në fryrje. Disa njerëz janë të ndjeshëm ose intolerantë ndaj këtyre aditivëve të tillë si produktet e qumështit, sheqeri i rafinuar ose ëmbëlsuesit dhe aromat artificiale. Është e mundur të përkeqësoni fryrjen tuaj duke shtuar përbërës ndaj të cilëve jeni të ndjeshëm pa e kuptuar.
Pluhuri i proteinave, një suplement popullor për ndërtimin dhe rikuperimin e muskujve, ndonjëherë mund të shoqërohet me fryrje në disa individë. Kjo fryrje mund të shkaktohet nga disa faktorë, duke përfshirë praninë e disa aditivëve, laktozës ose alergeneve në disa pluhura proteinash. Pijet energjike, të njohura për efektet e tyre stimuluese dhe përmbajtjen e kafeinës, mund të kontribuojnë në fryrjen e barkut tek disa njerëz. Këto pije shpesh përmbajnë nivele të larta sheqeri, ëmbëlsues artificialë dhe karbonacion, të cilat mund të çojnë në rritjen e formimit të gazit dhe fryrje./TCH
