Përshtati në shqip: Ilma Lamçe
Sa herë që jemi me miq, jemi në një festë, dasëm datëlindje gjithmonë bëjmë gëzuar duke përplasur gotat. Por a e keni menduar ndonjëherë se si ka lindur ky zakon dhe çfarë do të thotë?
Sipas disa legjendave thuhet se në mesjetë njerëzit i përplasnin gotat për të larguar shpirtrat e vdekur, demonët. Kjo histori është e lidhur me kambanat e kishave, pasi mendohej se tingujt e tyre i dëbonin të gjitha forcat e errëta. Kalorësit e fiseve nomade i dekoronin gotat e tyre me këmbana dhe mjete të tjera që bënin zhurmë për të mbajtur të ligën larg njerëzve. Edhe fiset e vjetra gjermane besonin se përplasja e gotave do të largonte demonët.
Por ekziston edhe një histori tjetër e cila është më realiste për këtë zakon. Në kështjellat mesjetare në Evropë armiqtë “eliminoheshin” duke hedhur helm në verë. Pasi ky sekret u mor vesh nga shumë njerëz, për të qenë të sigurt se në gotën e tyre nuk kishte gjë dhe për të fituar besimin e mysafirëve, njerëzit e festës përplasnin gotat e tyre me gotat e mysafirëve. Nga këtu rrjedh edhe zakoni që personi i festës duhet ta shijojë gjithmonë i pari verën. Por në vende të tjera si Tibet dhe në dinastinë Shang, tradita e përplasjes së gotave përpara se të pihet do të thotë fat dhe prosperitet.
