Iridologjia ka qënë përdorur që shekuj më parë si një mënyrë për të vlerësuar shëndetin fizik, mendor dhe emocional të një personi. Ngjyrat, modelet dhe faktorët e tjerë që i bëjnë sytë tuaj të veçantë mund të zbulojnë aspekte të shëndetit tuaj.
Irisi është një zgjerim i trurit dhe është i përbërë nga mijëra mbaresa nervore. Ngjyra dhe modeli i irisit mund të tregojë shumë për shëndetin e organeve të brendshme trupore dhe shëndetin e përgjithshëm.
Si rregull linjat e irisit duhet të qëndrojnë shumë afër njëra tjetrës, në këto raste syri juaj tregon se ju keni sistem imunitar të fortë për të përballuar sëmundje të ndryshme. Nëse linjat e irisit marrin formë “të shtrembëruar” dhe lëvizin larg njëra tjetrës atëherë mund të tregojnë për një parregullsi në organet e brendshme. Shpesh kjo lidhet me qarkullimin e dobët të gjakut.
Ndryshimet në ngjyrën e syve apo paraqitja e shenjave të bardha në iris në shumë raste tregon për probleme shëndetësore gjithashtu. Nëse keni sy blu apo jeshil dhe vëreni shenja kafe në irisin e syrit dhe kur e bardha e syrit ka marrë ngjyrim të verdhë, mund të jetë një shenjë paralajmëruese për probleme me mëlçinë, tëmthin, fshikëzën etj. Shpesh problemet me tretjen dhe frymëmarrjen mund të pasqyrohen në ndryshimin e formës dhe ngjyrës së irisit gjithashtu.
Kur në iris ju dalin disa pika të bardha mund të tregojnë për inflamacion të organeve. Nëse pika nga e bardhë fillon t’i forcohet ngjyra në gri apo kaf tregon se organet tuaja janë të dobëta, nuk kanë stimulim dhe mund të sëmuren.
Burimi: Simply Organic Life
