Dua të bëj një pyetje? Me 5 maj kisha ciklin menstrual, por e kisha vetëm 3 ditë dhe në sasi të vogël, jo si herët e tjera. A ka mundësi të jem 
shtatzënë? Ndiej lodhje të madhe, urinoj gati çdo 30 minuta, kam rritje të gjinjve, ndiej uri të madhe dhe kam humbur dëshirën për të bërë marrëdhënie seksuale me bashkëshortin, nganjëherë e qortoj shumë pa qenë nevojë, nuk e di, por jam shumë nervoze. Faleminderit nëse marr përgjigje nga ju.
Ana
Për këtë pyetje kemi kontaktuar doktorin Albert Cakoni, kirurg-gjinekolog:
Përderisa gruaja ka pasur ciklin, atëherë mundësia më e madhe është që të mos jetë shtatzënë. Gjithsesi, për siguri është mirë të bëjë një ekografi dhe një analizë urine për të konfirmuar shtatzaninë. Nuk duhet të bëjë test shtatzënie, sepse ndonjëherë ato japin alarme false.
