Përgatiti për gazetën “Shëndet+”: Elena Beta
Nutricionistët rekomandojnë konsumimin e misrave, sidomos të ziera, në ushqime, sallata ose në supa, pasi kështu ne mund të përfitojmë gjithë të mirat që misri ka. Ato i bëjnë mirë shëndetit në shumë aspekte.
Misri është një nga ushqimet më karakteristike të kësaj stine dhe konsumimi i tij është në masë, nëpër rrugët e qyteteve, në plazhe dhe në vende të tjera turistike ku ka shumë njerëz.
Misrat janë të mira për diabetin, pasi përmbajnë karbohidrate tepër rezistente, të cilët ndikojnë në funksionin e insulinës, për trurin në sajë të vitaminës B që përmbajnë me shumicë.
Jo vetëm kaq, por misrat mbrojnë zorrën e trashë nga kanceri, sikundër mbrojnë dhe shikimin, pasi janë të pasura me luteinë dhe beta-karroten.
Misrat përmbajnë:
Vitamina C dhe të kompleksit B duke u kthyer kështu një ushqim i shkëlqyer për zemrën.
Antioksidantë si luteina dhe zeaksanthinë që forcojnë shikimin.
Fibra që ushqejnë veçanërisht zorrën e trashë duke parandaluar probleme si kapsllëku dhe hemorroidet.
Proteina, të cilat së bashku me fibrat ndikojnë shumë mirë edhe në rregullimin e sheqerit në gjak
Burimi: Healthyfood/http://http://shëndeti.com.al
