Blerina Bombaj, dietologe
“Gozhdimi” përpara televizorit është një ritual sedentar i cili shoqërohet me zakone të gabuara të ushqyerjes si pickimi i ushqimeve kalorike dhe të kripura. Ajo që ndodh quhet “e ngrënë pa mendje”, sepse mendja është e përqëndruar te ngjarja që shfaqet në ekran. Kjo vërehet shumë kur bëhet fjalë për ngjarje me aksion apo që shkaktojnë ankth. Në këtë mënyrë, personat që janë të tërhequr pas televizorit, konsumojnë kalori të tepërta fare lehtë. Ngjarjet me aksion apo thriler shkaktojnë rritje të hormoneve të stresit siç është kortizoli. Duke u kombinuar me të ndenjurin ulur dhe me një ulje të lehtë që të shikuarit televizor shkakton në metabolizem, ky veprim rezulton në shtim të dhjamit, sidomos në zonën e barkut.
