Përshëndetje! Unë jam një nënë e re. Problemi është se nuk e ndiej shumë të rehatshme që ta ushqej fëmijën me gji. Ju lutem, a mund ta di nëse qumështi artificial është i dëmshëm apo jo?
Përgjigjet për “Shëndet+” mjeku neonatolog Spiro Damo
Qumështi artificial nuk është i dëmshëm. Është ushqyerje alternative. Por ushqyerja më e mirë është ajo me gji. Nëse nuk jemi komod me ushqyerjen me gji, kemi ushqyerjen alternative. Ushqyerja alternative është qumësht farmacie, jo qumësht lope, jo qumësht bagëtie, sepse nuk janë të përshtatshme për fëmijët.
Nënat duhet të kenë parasysh që jo vetëm për fëmijën e tyre, por edhe për ato vetë ushqyerja me gji është më e mirë. Nëse ushqejnë fëmijën me gji, ato mund të kthehen më lehtë në formën trupore që kishin para shtatzënisë sesa nëse nuk e ushqejnë fëmijën. Për më tepër, ushqyerja me gji i mbron ato dhe fëmijët nga sëmundje të ndryshme.
