Përgjigjja nga mjekja onkologe Nevila Rexhaj:
Përsa i takon kancerit të lëkurës, për shembull irritimet kronike ose ngacmimet e vazhdueshme në një zonë të caktuar mund të jetë shkaktarë të kancerit të lëkurës. Në të tilla raste edhe një traumë mund të jetë shkak për krijimin e kancerit në lëkurë. Këtu përfshihen edhe sarkomat, të cilat janë tumore të indeve të buta ku të dhënat janë kontradiktore përsa i takon traumës.
Më shumë trauma rezulton të jetë faktor zbulues i tumorit sesa shkaktar. Në përgjithësi, përveç kancerit të lëkurës dhe ndoshta të themi sarkomave, trauma nuk mund të jetë shkak për kancer.
