Një këmbësor është aksidentuar ditën e sotme përballë Parlamentit dhe ka qëndruar për më shumë se 30 minuta i shtrirë në mes të rrugës për shkak të vonesës së ambulancës. Afër të aksidentuarit është vetëm një polic, i cili nuk reagon fare, ndërkohë që makinat lëvizin lirshëm në rrugë.
Rasti është denoncuar me video tek nisma “Thurje” nga një dëshmitar okular, i cili rrëfen:
Përshëndetje Nisma. Zotëria pësoi një aksident dhe mbeti në mes të rrugës. Ndërkohë që ambulanca dhe pse është njoftuar prej 30 minutash ende nuk ka ardhur. 30 minuta dhe jemi në mes të Tiranës. Askush nuk e di nëse zotëria do t’ia dali dot apo jo, kaq shumë sa u vonua ambulanca. Është e frikshme të mendosh sesi mund të jetosh në këtë shtetin tonë, ku urgjenca është si fugon linjash.
Dhe dalin në TV dhe krekosen se po bëhet shtet. Është e turpshme. Mjerë kë zë halli….
