Përshtati në shqip për gazetën “Shëndet+”: Blertina Koka
Rezistenca ndaj antibiotikëve do të behët një kërcënim edhe më i madh se kanceri për njerëzimin, nëse nuk ndërmerret ndonjë aksion global, paralajmëron kancelari britanik George Osborne. Sipas Osborne, të dhënat e fundit sugjerojnë se nga viti 2050, deri në 10 milionë njerëz mund të vdesin në vit për shkak të pafuqisë së antibiotikëve për të luftuar infeksionet, shifër kjo më e madhe se numri aktual i njerëzve që vdesin nga kanceri.
Kancelari britanik mendon se kjo do të ketë kosto të mëdha ekonomike, duke qenë se deri në vitin 2050, rezistenca ndaj antibiotikëve do të mund ta zvogëlojë GDP-në globale deri në 3.5 për qind.
“Nëse nuk ndërmarrim një aksion global, rezistenca ndaj antibiotikëve do të bëhet një kërcënim më i madh seç është aktualisht kanceri për njerëzimin,” shprehet ai. Sipas kancelarit Osborne, kostoja e mos bërit asgjë do të jetë shumë e madhe për njerëzimin.
Ai mendon që duhet të nxiten kompanitë farmaceutike që të gjejnë një zgjidhje më afatgjate të këtij problemi, dhe të prodhojnë antibiotikë të rinj për të luftuar infeksionet.
Burimi: Independent / https://shendeti.com.al/
