Rolina Naço, dietologe
Përpara se të vendosim se ç’pije do të konsumoni në raste festash, është mirë të dini pak më shumë për alkoolin.
Sa më e lartë të jetë përqindja e alkoolit në pije, aq më shumë kalori përmban ajo (1 gr alkool përmban 7 kcal, ndërsa 1 g dhjam 9 kcal). Ndaj është mirë që pijet me përqindje të lartë alkooli t’i zëvendësojmë me verë ose me birrë, të cilat veç përqindjes së ulët, përmbajnë edhe shumë elemente ushqyese për trupin tonë.
Evitoni t’i shoqëroni pijet alkoolike me pije me gaz, si dhe me lëngjet e përpunuara, pasi përsëri do të shtohen kaloritë. Do të ishte mirë t’i zëvendësoni me frutat e shtrydhura.
Kujdes edhe me shoqëruesit e pijeve (si, patatinat apo proshutat). Të gjitha kanë shumë kalori, ç’ka çon në shtimin në peshë.
